“Runasimipi qillqaqmasiykunata qayakuy” en Pututu: Boletín Cultural. No. 52 (2013)

Pututu Boletin Cultural no. 52 qara
Pututu Boletin Cultural no. 52 qara

Ñawinchay, mayqin simipi: castellano English

Ollantaytambo Landeo Muñoz, Pablo. “Runasimipi qillqaqmasiykunata qayakuy (Llamado a mis hermanos que hablan y escriben en runasimi).” Pututu: Boletín Cultural. No. 52 (2013): 1, 17-18. 2013 Ollantaytambo Landeo Muñoz, Pablo. “Runasimipi qillqaqmasiykunata qayakuy (Llamado a mis hermanos que hablan y escriben en runasimi).” Pututu: Boletín Cultural. No. 52 (2013): 1, 17-18.
Rakinakuy:

Wakin harawikuna, kikillan harawiq

Pablo Landeo Muñoz

landeo-munoz_musquy_13h
Add to Favorites

Musquy

harawiq:

Chirikuq wasi punkupi
qamya tantata mikuchkaspaymi
warmallaraq kaspay
churmichawaq musquyta yuyarirqani:
“Mayu… yuraq pusuquykihina
muyurispa muyurispa
qanwan kuskalla chinkakuyman…
Wayra… yanayasqa alambrehina
sukarispa sukarispa
yupillaypas ripukunman…”

“Beee! Beeee! Beeee!”

Wakchaschay chitaschay:
Wakcha kananchiktaqa
manamá yachakurqanchikchu.
Anchuykamuy asuykamuy
qanwanqa tantapas icha miskinman.

“Beee! Beeee! Beeee!”

Wakchaschay chitaschay:
Tinyachallaypa sunqunpas
kunanqa rumiyarqunñam…
Qipa urqukunapipas
ritisqa ñanllañam waqapakuchkan.

Add to Favorites
landeo-munoz_mitmaq_13i
Add to Favorites

Mitmaq

harawiq:

Purini purinki purinchik…
runa tiyasqan pachamanqa
puriqllam hamurqanchik.

Llullu wiqinchikmantaraqmi
kunununuq ninapa qapariyninpi
musquyninchikpa iklliriq takinpi
puriyta qallarirqanchik.

Purisun, purisunhinalla.
Samananchik punchawqa…
La mar-qucha patanpi
aqullam suyawachkanchik.

Add to Favorites

Kikillan harawikuna